Rama i quan minorancë protestuesit, thotë se teatri i ri do të ndërtohet

15:17 | 24 Korrik 2019
Arbresh.info

Kryeministri Rama i ka cilësuar minorancë të gjithë artistët, politikanët dhe protestuesit që hynë sot brenda ambienteve të Teatrit Kombëtar.

Kreu i qeverisë ka garantuar se Teatri i Ri Kombëtar do të ndërtohet pasi, siç tha ai, atë e kërkon kryeqyteti, vendi, kombi e shumica e komunitetit të artistëve të skenës.

“Asnjë minorancë nuk mund të marrë peng asgjë e askënd në këtë vend. Me gjithë respektin për një minorancë aktorësh teatri dhe politikanësh që s’kanë hyrë kurrë në teatër, po janë mësuar të bëjnë teatër me çdo gjë, Teatri i ri Kombëtar do të ndërtohet si plan e përgjegjësi qeverisëse. Teatrin e ri Kombëtar e kërkon kryeqyteti, vendi, kombi e shumica e komunitetit të artistëve të skenës. Njësoj si Stadiumi i Ri kombëtar ai do të jetë një gur kilometrik në rrugën e Shqipërisë që duam. Kush s’është dakord është i respektuar, po s’ka as mandat as të drejtë të pengojë”, shkruan Rama në Twitter.

Shpërndaje në rrjete sociale

Lajmet më të lexuara

Të ngjashme

Foto lajm